കാതങ്ങള്‍ക്കപ്പുറം എന്റെ കണ്ണുനീരിന്‍ ഈറനണിഞ്ഞ പ്രാര്‍ത്ഥനയുടെ
ഉത്തരം പോല്‍ ഞങ്ങളിതാ നായകാ നിന്നരുകില്‍..
വര്‍ഷങ്ങള്‍ നീണ്ട ഇത്തിരി ബാക്കിയിരുപ്പിന്‍ ശേഖരം
നിന്നെ അടുത്തൊന്നു കാണുവാന്‍...
കരളില്‍ കൊണ്ടുനടന്നതത്രയും
നിന്റെ വചനം,
നിന്റെ ജീവിതം,
നിന്റെ കര്‍മ്മം..
താണ്ടിയ വഴികള്‍ അത്രമേല്‍ കഷ്ടമല്ലന്നറിയുന്നതിപ്പോള്‍..
തയ്യാറെടുപ്പിനു ആത്മാവൊരുങ്ങുന്നതുമിപ്പോള്‍..
ഈ ഇളം കാറ്റിന്‍ കസ്തൂരി ഗന്ധം മരണം വരെ എനിക്കൊപ്പം..
No comments:
Post a Comment